Money Laundering Reporting Officer in Azerbaijan

Guavapay Azərbaycan komandamıza təcrübəli və peşəkar Komplayens sahəsi üzrə Məsul Şəxs axtarırıq. Bu vəzifənin əsas məqsədi şirkətin bütün fəaliyyətində ƏL/TMM tələblərinə uyğunluğun təmin olunması, şübhəli əməliyyatların aşkarlanması və Maliyyə Monitorinq Xidmətinə hesabatların vaxtında təqdim edilməsidir. Pul yuyulması və terrorçuluğun maliyyələşdirilməsinə qarşı mübarizə sahəsində yüksək standartlara cavab verən namizədləri komandamıza dəvət edirik.

Əsas vəzifə öhdəlikləri:

• Azərbaycan Respublikası qanunvericiliyi və beynəlxalq standartlara uyğun olaraq ƏL/TMM siyasətinin və prosedurlarının hazırlanması və tətbiqinə nəzarət etmək;
• Müxbir əlaqələrin qurulması nəzərdə tutulan rezident və qeyri-rezident banklar ƏL/TMM çərçivəsində araşdırılmasını təmin etmək;
• Şirkətin ƏL/TMM ilə bağlı riskinin qiymətləndirilməsi işini təşkil etmək(İnstitusional risk qiymətləndirilməsi işinin təşkili də daxil olmaqla);
• Xüsusi İndikatorların siyahısını razılaşdıraraq, müvafiq olaraq proqram təminatında avtomatlaşdırılmasını təmin etmək
• ƏL/TMM sahəsində fəaliyyət üzrə şirkətin əməkdaşlarına mütəmadi təlimlərin keçirilməsini təmin etmək;
• Komplayens sahəsi üzrə nəzarət olunmalı əməliyyatlarının (əqdlərin) gündəlik monitorinqini aparmasını, davamlı müştəri uyğunluğu tədbirlərini tətbiq edilməsini, cari və şübhəli əməliyyatlar barədə müvafiq hesabatların hazırlanaraq qanunvericilikdə nəzərdə tutulmuş müddətlərə uyğun olaraq, MMX-ya təqdim edilməsini təmin etmək;
• Hər altı ayda bir rəhbərliyə Komplayens nöqteyi-nəzərindən yüksək riskli əməliyyatlar (əqdlər), onların statistikası və dinamikası barədə ətraflı məlumat vermək;
• ƏL/TMM sahəsində qanun pozuntuları aşkar edildikdə dərhal şirkət rəhbərliyinə məlumat vermək və düzəldici tədbirlərin görülməsini təşviq etmək;
• Qanunvericilikdə və tənzimləyici orqanların tələblərində baş verən dəyişiklikləri izləmək və şirkət prosedurlarını bu dəyişikliklərə uyğun yeniləmək.

Tələblər və Kvalifikasiyalar:

• Hüquq, maliyyə, iqtisadiyyat və ya əlaqədar sahədə ali təhsil;
• ƏL/TMM sahəsində ən azı 3–5 illik iş təcrübəsi;
• Azərbaycan Respublikasının ƏL/TMM qanunvericiliyi, FATF tövsiyələri, EU AML Directives və digər beynəlxalq standartlar barədə dərin biliklər;
• Risklərin idarə olunması və şübhəli əməliyyatların təhlili sahəsində təcrübə;
• Güclü analitik bacarıqlar, qərarvermə və problem həll etmə qabiliyyəti;
• Azərbaycan və ingilis dillərində mükəmməl yazılı və şifahi ünsiyyət bacarığı (rus dili üstünlükdür);
• CAMS (Certified Anti-Money Laundering Specialist) və ya ona bərabər beynəlxalq sertifikatlar üstünlük sayılacaq.

By submitting this application, you agreed that your personal data will be processed in accordance with our Privacy Notice: https://guavapay.com/page/privacy-policy-guavapay.